Menu

Alvierte de que les graves acusaciones arramaes contra la xestión d'IX nun van quedar asina

Aurelio Martín, voceru parlamentariu d'IX na Xunta, aseguró esta mañana dempués de la Xunta de Voceros, que cola dimisión d'Esther Díaz, como conseyera de Bienestar Social y Vivienda, ponse fin a una etapa marcada pola soberbia, l'autoritarismu y la mala xestión. Como botón d'amuesa d'esa incompetencia, dixo Martín, tán les 5.000 persones que lleven más de 16  meses esperando pol salariu social. Esther Díaz, utilizó la so última palabra na comisión onde dimitió, p'acusar a IX de cometer illegalidaes na so xestión al mandu de la Conseyería de Bienestar y Fernando Lastra indicó que la exalcaldesa desenvolvió un llabor que dexó acabar col "esbaraxuste” na xestión de los gobiernos anteriores. Ante esta “grave acusación”, Martín alvirtió a la yá exconsejera de que si conoz dalguna illegalidá que se produxera nuna conseyería, sía como quier ésta, tien la obligación política, xurídica y moral de denunciales. De la mesma, adelantró qu'IX va pidir esplicaciones a quien-y lo tien que preguntar y alvirtió  qu'esto nun va a quedar asina”.

El voceru d'IX recordó a Díaz y Lastra que na etapa de gobiernu compartíu col PSOE, IX punxo 15000 viviendes  en manos de los ciudadanos que les precisaben, abrió residencies con un nivel qu'enxamás hubo n'Asturies, y fixo una bona xestión del salariu social, amás de ser la primer  comunidá autónoma en poner en marcha la Llei de Dependencia. “Nun entendemos estes crítiques porque, si dan cuenta, nunca antes fixérense, pueden responder a una rebexina o a un mal día de la conseyera y nun sé si daquién más. Nun oyí una crítica de la conseyería nin al Partíu Socialista nin a nengún grupu parlamentariu”, esplicó Martín n'escuchando les declaraciones de los socialistes.

El voceru d'IX amosóse “satisfechu” cola dimisión d'Esther Díaz, anque aseguró que tendría d'habelo fecho antes, una y bones los ciudadanos esixen una clara separación ente'l negociu y la política y nesta postrera non solo hai que ser honestu, sinón paecelo. “Más allá del alderique sobre la llegalidá, los  políticos tenemos de tener exemplaridá del Gobiernu y coherencia política”. Tamién apuntó al criteriu de prestixosos xuristes qu'espliquen que les sos actuaciones nun son llegales.

Na fixación de posición na comparecencia de la comisión de Presidencia, Aurelio Martín sostuviera que la intervención de Díaz foi más como abogada que como responsable política. A xuiciu del voceru nun se trataba d'interpretar la llegalidá, yá que naide nun l'acusábade corrupción nin de tráficu d'influencies, sinón que se trataba, como esplicó Javier Fernández nuna conferencia en Madrid, de que “en política nun basta con ser llegal”.