Menu

Aurelio Martín considera qu'esta iniciativa beneficiará sobre manera a los y les x óvenes que decidieron emancipase y que vieron incrementáu l'importe de les sos hipoteques.

Aurelio Martín considera qu'esta iniciativa beneficiará sobre manera a los y les x óvenes que decidieron emancipase y que vieron incrementáu l'importe de les sos hipoteques.

En rueda de prensa, Aurelio Martín, diputáu d'IX-BA-LV,  presentó la proposición non de llei na qu'insta al Gobiernu d'Asturies a iguar un fondu de sofitu empobináu al pagu d'hipoteques, del que se beneficiaran tolos asturianos y asturianes que tuvieren un salariu inferior a 24.000 € añales (3 veces y media l'Indicador Públicu de Renta d'Efectos Múltiples) y amás tuvieren que facer frente al préstamu hipotecariu pa financiar la so primer vivienda con destinu a residencia habitual. Pa tener accesu a esti fondu d'ayudes diba ser necesario tamién que la unidá familiar solicitante viera incrementáu'l so tipu d'interés dende la formalización del contratu hipotecariu y la cuota resultante represente más del 30 % del total de los ingresos de la unidá familiar.

P'Aurelio Martín “los datos sobre'l tremendu enfotu que tan faciendo les families, sobre manera los sectores más débiles y les families más xóvenes, xustifiquen sobradamente la presentación d'esta iniciativa”. Asina ufrió delles cifres clarificadores: l'enfotu mediu familiar n'Asturies ye del 36,7% de los ingresos y nel casu de los y les x óvenes esi enftu supera'l 50%. Más del 50% de los asalariaos d'Asturies ta por debaxo o iguala la cantidá de 1.000 € mensuales de sueldu. L'Euribor pasó del 2,220% en setiembre de 2005 al 4,725% en setiembre d'esti añu, lo que supón un incrementu de 2,5 puntos en dos años.

Sobre la base d'estos datos, Aurelio Martín considera que con esta iniciativa “trátase de dar rempuesta a una necesidá de munches families asturianes por encima de debates estériles, y pasar de la propaganda a los fechos. La iniciativa va permitir facer efectivu'l compromisu del Gobiernu d'Asturies de que nesta Llexislatura l'enfotu familiar p'acceder a una vivienda nun pase'l 30% de los sos ingresos”.