Menu

El diputáu d'IU-BA-Verdes asegura que l'estudiu d'impactu ambiental del parque de Grallas, en Villanova d'Ozcos, caducó y tien qu'aniciase cola so tramitación de nuevu Francisco Javier García Valledor, diputáu d'IU-BA-Verdes na Xunta Xeneral del Principáu, encargáu d'asuntos mediuambientales, y Antonio Riveras, alcalde de Santalla d'Ozcos ufrieron, esta mañana na Casa de Cultura de la capital del conceyu, la so valoración sobre'l desenrrollu y la política de parques eólicos de la comarca. El diputáu d'IU-BA-Verdes puso de manifiestu la contradicción que supón la declaración de los Ozcos como Reserva de la Biosfera y la instalación nel so terrén d’abondos parques eólicos.

“Los Oscos nun puen ser la reserva eólica” d'Asturies, asegura Antonio Riveras

El diputáu d'IU-BA-Verdes asegura que l'estudiu d'impactu ambiental del parque de Grallas, en Villanova d'Ozcos, caducó y tien qu'aniciase cola so tramitación de nuevu Francisco Javier García Valledor, diputáu d'IU-BA-Verdes na Xunta Xeneral del Principáu, encargáu d'asuntos mediuambientales, y Antonio Riveras, alcalde de Santalla d'Ozcos ufrieron, esta mañana na Casa de Cultura de la capital del conceyu, la so valoración sobre'l desenrrollu y la política de parques eólicos de la comarca. El diputáu d'IU-BA-Verdes puso de manifiestu la contradicción que supón la declaración de los Ozcos como Reserva de la Biosfera y la instalación nel so terrén d’abondos parques eólicos.

Francisco Javier García Valledor fizo una llamada d'atención a la necesidá de preservar esti espaciu y llevar a cabo un desenrrollu sostenible nunos conceyos que basaron la situación d'anguaño na agricultura, l'actividá forestal, el turismu racional y la ganadería. Del mesmu mou, instó a les alministraciones asturianes a facer una ordenación y planificación de les enerxíes renovables ya qu'hasta'l momentu nun l'hai.

El diputáu d'IU-BA-Verdes resaltó tamién la necesidá d'establecer un debate sobre la conesión de les redes elléctriques con Galicia qu'evacúen la enerxía producía n'otros conceyos y cruzien el de Santalla d'Ozcos, que decidió paralizar la instalación nel so territoriu. Nesti sen, l'alcalde Antonio Riveras, recordó que pol so conceyu ta proyectáu que cruzien 8 kilómetros de llínies de Red Eléctrica Española que treslladaríen la enerxía producía en Villanova d'Ozcos – de camín a Galicia- y ponen en riesgu'l paisaxe. Antonio Riveras reconoció que la Declaración d'Ozcos-Eo como Reserva de la Biosfera supón un “gran pasu alante”, pero ye un pasu “estrañu” ya que ta fechu ensin tar sofitáu previamente nuna declaración d'espaciu protexíu. “Esi defectu tien que ser

correxíu”, aseguró'l rexidor de Santalla.

Amás de l'amenaza de les llínies elléctriques, l'alcalde de Santalla d'Ozcos, puso de manifiestu la intención de Villanova d'Ozcos d'entamar la construcción d'un nuevu parque eólicu en Grallas – qu'evacuaría la so enerxía al traviés del conceyu de Santalla-. Francisco Javier García Valledor reveló que l'estudiu d'impactu ambiental d'esti parque de Villanova d'Ozcos ta caducáu, ya que tenía una vixencia de tres años y ya pasaron. Poro tantu l'Ayuntamientu de Villanova nun pue siguir cola tramitación de la instalación y va tener que volver a someter esti parque a la evaluación d'impactu ambiental ya'l so correspondiente periodu d'información pública, tal como figura nes alegaciones presentaes a esta instalación por parte del Ayuntamientu de Santalla d'Ozcos. Antonio Riveras aseguró que los Oscos “nun pueden ser la reserva eólica d'Asturies”, si quieren siguir siendo un llugar “pa volver”, como aseguró recientemente'l presidente del Gobiernu, José Luis Rodríguez Zapatero, durante la so estancia na zona.