La conseyera de Derechos y Servicios Sociales, Pilar Varela, aseguró esta mañana na Xunta Xeneral, a entrugues de la diputada d'IX Marta Pulgar, que nun ye necesaria una reforma normativa qu'entaíne y facilite tantu la incorporación como la permanencia nel parque públicu de viviendes de les persones que sufrieron un desahuciu yá que esiste voluntá y recursos abondos pa resolver los casos plantegaos, siempres que cumplan los requisitos llegales.
La diputada d'IX preguntaba asina por casos de persones que tán morando nuna vivienda d'urxencia dempués de ser desanunciaos y que'l so contrato de dos años remata nos próximos díes o meses y recibieron una carta de la conseyería esplicando'l so términu, colo que tendríen qu'abandonar la casa.
Pulgar demandó un siguimientu personal de cada casu pa garantizar el derechu a la vivienda, cuestión que la conseyera confirmó, anque estremó los casos de les persones que tienen ingresos menores a 1,5 vegaes el IPREM d'aquellos otros que nun superen 3,5 vegaes el IPREM. Los primeres tendríen derechu a una vivienda d'emerxencia, ente que les d'urxencia son pa persones en situación de desahuciu sobreveníu, que son los que tienen el contratu que remata a los dos años. Estos postreros podríen aportar a otres ayudes públiques como son les d'arriendu, ente otres.
IX pide que se formalice esti compromisu nun protocolu o guía por que toos los actores implicaos, sía l'alministración autonómica o la local, sepan cómo actuar nestos casos y de cara al futuru.
Diputáu Autonómicu y Coordinador d'IX
Diputado Autonómico
(Mas Asturies)
Diputada Autonómica
Convocatoria por Asturies