Menu

IU-BA-Verdes y Lliberación van festeyar los actos del Día d'Asturies en La Pola(L.lena) con un claro calter reivindicativu y llúdicu. La reforma del Estatutu, cola asunción d’un mayor nivel competencial pala comunidá autónoma, el reconocimientu de mayores derechos sociales, la proteición y sostenibilidá ambiental y la oficialidá de la llingua van marcar esta cellebración. A xuiciu de Jesús Iglesias, Coordinador Xeneral d’IU d’Asturies esti 8 de setiembre va ser “el Día del Estatutu d’Autonomía”.

IU-BA-Verdes y Lliberación van festeyar los actos del Día d'Asturies en La Pola(L.lena) con un claro calter reivindicativu y llúdicu. La reforma del Estatutu, cola asunción d’un mayor nivel competencial pala comunidá autónoma, el reconocimientu de mayores derechos sociales, la proteición y sostenibilidá ambiental y la oficialidá de la llingua van marcar esta cellebración. A xuiciu de Jesús Iglesias, Coordinador Xeneral d’IU d’Asturies esti 8 de setiembre va ser “el Día del Estatutu d’Autonomía”.

Jesús Iglesias, Coordinador Xeneral d’IU d’Asturies, Ramón Argüelles, Alcalde de La Pola, José Antonio Nebot, representante de Los Verdes d’Asturies y Pablo Fernández, Secretariu d’Organización del Bloque por Asturies participaron na rueda de prensa onde se dieron a conocer tamién los actos llúdicos del Día d’Asturies. El teatru Vital Aza va agospiar l’actu políticu, a partir de les 12 hores, y tres finar va tener llugar una espicha popular na plaza Alfonso X El Sabio, de La Pola.

Van intervenir: Ramón Argüelles; Ana Castaño, representante de Lliberación; Nacho González, portavoz de Los Verdes d'Asturies; Roberto Colunga, Secretariu Xeneral del Bloque por Asturies; el Coordinador Xeneral d’IU d’Asturies, Jesús Iglesias ya’l Coordinador Federal d’IU, Gaspar Llamazares.

Nesti alcuentru embaxo’l llema: más autogobiernu, más estatutu, más Asturies, Oficialidá, van participar dos grupos llocales: Spanta la Xente y Fala NON caduca. Al final del mesmu, va comenzar una espicha popular amenizada pol grupu de baile Xanzaina.

Al respectu de la reforma del Estatutu, el Coordinador Xeneral d’IU n’Asturies, Jesús Iglesias, aseguró que sospecha que’l PSOE y el PP van firmar un Estatutu de Autonomía "que van vender como un gran consensu" y que nun "va tener el nivel d’autogobiernu que los asturianos quieren". Iglesias recordó que’l Partíu Popular bloqueó durante l’anterior llexisllatura esta reforma y que’l PSOE tuvo “mui cómodu” con esta posición de los populares, qu’amás camudo del blancu a negru durante tol periodu, dende pidir les mesmes competencies que Cataluña a manifestar que nun yera una reforma urxente pa los asturianos.

"El Principáu observa como meru espectador les reformes de toles Autonomíes", espresó Iglesias, y añadió que’l PSOE y el PP van esperar a dempués de les elecciones xenerales p’aprobar una reforma estatutaria pola que’l Principáu va convertise nuna Comunidá "comparsa" frente al restu de Comunidaes.

Jesús Iglesias aseguró qu’Izquierda Xunida nun va apoyar un Estatutu que nun meta una Carta de Derechos Sociales y Civiles, que nun aumente’l nivelcompetencial y amplie la capacidá política de la Xunta Xeneral del Principáu y nun reconoza la cooficialidá del asturianu.

Pola so parte, el secretariu d’organización de Bloque por Asturies, Pablo Fernández,
manifestó que l’Estatutu d’Autonomía ye la "meyor" ferramienta pa desenrrollar
les másimes competencies y añadió qu’Asturies nun puede quedar na "segunda
división" de les Autonomíes. Acusó al presidente del Principáu, Vicente Álvarez
Areces y al llíder de la oposición, Ovidio Sánchez de "coartar les llibertaes de los
ciudadanos" y comparolos col "Gran inquisidor", personaxe del escritor y
filósofu rusu Fyodor Dostoevsky.

Pola so parte, el representante de Los Verdes, José Antonio Nebot, dixo que’l Día d’Asturies tien que ser de "reivindicación" d’un Estatutu d’Autonomía "pensáu p’afrontar los retos del futuru asturianu" en materia de sostenibilidá, protección
del mediuambiente y de los recursos naturales”, anque, ensin dexar atrás les
mencionaes cuestiones d’autogobiernu.