Menu

Izquierda Xunida d'Asturies considera que la banda terrorista ETA fai un exerciciu de cinismu al declarar rota la tregua, yá que de manera sanguinaria yá lo ficiere'l 30 d'avientu pasáu, causando dos muertos, na terminal nueva del aeropuertu Barajas. La realidá ye que la tregua yá taba rota a finales d'añu.

Izquierda Xunida d'Asturies considera que la banda terrorista ETA fai un exerciciu de cinismu al declarar rota la tregua, yá que de manera sanguinaria yá lo ficiere'l 30 d'avientu pasáu, causando dos muertos, na terminal nueva del aeropuertu Barajas. La realidá ye que la tregua yá taba rota a finales d'añu.

Con esti anunciu ETA lo único que intenta ye incrementar el nivel de presión sobre les instituciones democrátiques del Estáu nun momentu nel que, amás, se tán configurando les instituciones llocales y autonómiques dempués de les eleiciones del 27-M. La rempuesta de les fuercies polítiques tien de ser xunitaria. El Grupu Parlamentariu d'IU-ICV, encabezáu por Gaspar Llamazares, formuló yá una propuesta pa que tolos partíos democráticos firmen un Pautu Pola Paz y Contra'l Terrorismu pa crear mayores llazos y mayores alcuerdos. Gaspar Llamazares considera que ye necesario apostar por un mayor alcuerdu en favor de la paz. Nesi sen IX Federal reclamó l'apertura d'una ronda de contautos de toles fuercies polítiques democrátiques y recordó que la única responsable del fracasu del procesu de paz foi la incapacidá política d'ETA y la falta d'autonomía de la izquierda abertzale.