Menu

La Direición d'IX d'Asturies, énte la midida cautelar adoutada pol xulgáu, considera:

1. La midida cautelar adoutada pol xulgáu d'instrucción númberu 4 d'Uviéu, nun entra a valorar el fondu del asuntu que se traduz na esistencia d'un drechu arrendaticiu por parte d'IX d'Asturies sobre los llocales de la Plaza d'América.

La Direición d'IX d'Asturies, énte la midida cautelar adoutada pol xulgáu, considera:

1. La midida cautelar adoutada pol xulgáu d'instrucción númberu 4 d'Uviéu, nun entra a valorar el fondu del asuntu que se traduz na esistencia d'un drechu arrendaticiu por parte d'IX d'Asturies sobre los llocales de la Plaza d'América.

2.Izquierda Xunida d'Asturies y los comunistes asturianos van siguir utilizando la so sede.

3. IX d'Asturies va dir a la xurisdicción ordinaria pa facer valir el contratu d'arriendu fechu nel so día y que, polo qu'a IX d'Asturies se refier, foi cumplíu de manera escrupulosa, pa solucionar un problema que vien padeciendo la organización dende va años.

4. IX d'Asturies confia en que les querelles criminales interpuestes o que van interponese por parte de la organización con respeutu a la destruición d'una cámara de seguridá, el corte de los teléfonos y de la llínia d'Internet de la sede y la ocupación de despachos en plena campaña eleutoral, cola única finalidá de sabotiar el trabayu de la candidatura d'IX y perxudicar les espeutatives eleutorales de les nueses candidatures y propiciar la mayoría absoluta del Partíu Popular n'Uviéu y Asturies, sirvan pa depurar responsabilidaes penales de los fechos citaos y s'indemnize personalmente polos daños y perxuicios que-yos causare.

5. Les persones qu'organizaron la ocupación de la sede de Plaza d'América son ayenos nestos momentos a Izquierda Xunida y formen parte d'otra organización política, que compitió eleutoralmente con IX d'Asturies, intenten de siguío boicotiar y poner torgues al trabayu políticu d'Izquierda Xunida.

6. La sede d'IX de Plaza d'América foi pagada col esfuerciu de militantes hestóricos del PCA, que se caltienen dientro de la mayoría d'Asturies, y de los cargos públicos d'esta formación ya Izquierda Xunida.