Menu

A Izquierda Xunía d'Asturies nun y sorprende la última aparición pública de Jesús Gutiérrez defendiendo la construcción d'un enorme pantanu en Caleio. Esti dirixente amnésicu, qu'apela a la memoria cuando tuvo estragos coles grabadores, escaécese de qu'Asturies tien capacidá suficiente d'abastecimientu y almacenamientu d'agua pa consumu de la población. Anguaño hai capacidá suficiente p'abastecer una rexón de más 2 millones d'habitantes, más del doble de la nuesa población. Una realidá que'l PSOE enfótase n'ocultar a la sociedá asturiana porque'l complexu hidráulicu de Tanes-Riosecu tien capacidá más que suficiente pa garantizar l'abastecimientu a tou Asturies siempre que nun tea al serviciu permanente de los intereses d'una empresa elléctrica que dilapida estos recursos hídricos pal so beneficiu empresarial.

A Izquierda Xunía d'Asturies nun y sorprende la última aparición pública de Jesús Gutiérrez defendiendo la construcción d'un enorme pantanu en Caleio. Esti dirixente amnésicu, qu'apela a la memoria cuando tuvo estragos coles grabadores, escaécese de qu'Asturies tien capacidá suficiente d'abastecimientu y almacenamientu d'agua pa consumu de la población. Anguaño hai capacidá suficiente p'abastecer una rexón de más 2 millones d'habitantes, más del doble de la nuesa población. Una realidá que'l PSOE enfótase n'ocultar a la sociedá asturiana porque'l complexu hidráulicu de Tanes-Riosecu tien capacidá más que suficiente pa garantizar l'abastecimientu a tou Asturies siempre que nun tea al serviciu permanente de los intereses d'una empresa elléctrica que dilapida estos recursos hídricos pal so beneficiu empresarial.

Como tamién escaez que nun hai datos que permitan avalar la necesidá de llevar a cabu una macro infraestructura d'estes característiques en Caleio. Ye más, el propiu Ministeriu de Mediu Ambiente dexo claro que nun hai que facer esti embalse si hai alternatives. Y les alternativas esisten. La xestión d'esti recursu escasu pasa, de xuru, pola xestión sostenible. Ye un principiu básicu que defiende non namás IU/BA/LV sinon un amplísimu abanicu d'organismos e instituciones internacionales ente les que la FSA nun ta.

Ta claro que nesti tema, el PSOE ta dixebráu. La FSA tien una posición estremada a la de munchos de los sos compañeros. Un simple exemplu: la política de xestión del agua que defiende'l PSOE n'Aragón y que caracteriza la prósima esposición de Zaragoza, xestionada pol ex ministru d'Interior y alcalde de la ciudá, Juan Alberto Belloch. Vamos a regala-y un par d'entraes pa que la visite y la pueda conocer.

Jesús Gutiérrez recurre a un vieyu trucu: falar del interés xeneral cuando realmente piensa nel d'unos pocos, tal vez sían los qu'embolsen los millonarios beneficios que provoca la utilización d'agua de másima calidá pa xenerar ellectricidá en vez de garantizar l'almacenamientu suficiente pa contrarrestar posibles situaciones de sequía de tipu natural y non les derivaes pola turbinación salvaxe provocaes pol interés puntual del mercáu elléctricu. Gutierrez respuende a la dinámica d'un partíu empecináu en defender l'interés del hormigón en vez del interés de la xente.

IU recorda-y a Gutiérrez que debe cumplir un de los principios básicos del Plan Hidrológico: la prioridá ye l'abastecimientu humano. Nun ye tolerable que, como ocurre nestos momentos, agua de másima calidá se destine a usos industriales. Ésti ye un grave error que puede hipotecar el futuru d'Asturies.