Menu

“Izquierda Xunida d’Uviéu recuperará Uviéu pa la xente”. Esta ye la base cola que trabayará Alejandro Suárez González y tola so candidatura na capital asturiana. Uviéu ye una ciudá que carez de política de vivienda municipal y namás la Conseyería de Vivienda y Bientar Social tien trabayao por  llograr la consecución de viviendes de promoción pública na ciudá “La realidá ye que’l Plan de Vivienda Protexida fízose en realidá gracies a la Conseyería de Vivienda”, aseguró’l candidatu de la coalición na rueda prensa na que se presentó énte los medios de comunicación.

“Izquierda Xunida d’Uviéu recuperará Uviéu pa la xente”. Esta ye la base cola que trabayará Alejandro Suárez González y tola so candidatura na capital asturiana. Uviéu ye una ciudá que carez de política de vivienda municipal y namás la Conseyería de Vivienda y Bientar Social tien trabayao por  llograr la consecución de viviendes de promoción pública na ciudá “La realidá ye que’l Plan de Vivienda Protexida fízose en realidá gracies a la Conseyería de Vivienda”, aseguró’l candidatu de la coalición na rueda prensa na que se presentó énte los medios de comunicación.

IX d’Uviéu apostará nel so programa eleutoral por una ciudá integrada, con un tresporte públicu eficaz y que llegue a tolos barrios por igual y por un ayuntamientu que nun se dedique namás a xestionar les ayudes que lleguen d’otres alministraciones y que tenga una xestión tresparente. “Queremos unes cuentes clares y tresparentes na ciudá y al mesmu tiempu poner fin a la economía de guerra, como la define Gabino de Lorenzo, qu’afeuta a los servicios públicos más esenciales”, esplicó Alejandro Suárez, acompañáu de Jesús Iglesias, Coordinador Xeneral d’IX d’Asturies y candidatu a la presidencia del Principáu d’Asturies, Pedro González, coordinador de la xestora d’Uviéu y Paloma Uría, anguaño diputada na Xunta Xeneral y númberu dos na llista d’Uviéu. Del mesmu mou, Izquierda Xunida d’Uviéu va trabajar por un ayuntamientu en qu’esista la participación ciudadana, tea al serviciu de la xente y non al serviciu “fundamentalmente de los constructores”. “Uviéu ye capital y capital pa la izquierda”, dixo Alejandro Suárez, nuna ciudá gobernada dende 1991 por Gabino de Lorenzo, del Partíu Popular, pa de siguío abogar por un cambiu de ciclu na política llocal.

Jesús Iglesias, candidatu d’IX-BA-Verdes a la presidencia del Principáu reconoció la importancia de la ciudá, reyida pola drecha hasta esti momentu. “Izquierda Xunida quier afitar el proyeutu de cambiu social y Uviéu necesita incorporase y participar nun cambiu d’izquierdes”, esplicó Jesús Iglesias nesta presentación. Uviéu nun tien de seer, al so xuiciu, el llaboratoriu onde s’esperimenten les polítiques privatizadores del Partíu Popular y merez un gobiernu más respetuosu colos intereses xenerales, que nestos momentos representa la izquierda tresformadora.

Iglesias mostróse convencíu de qu’esta candidatura va a contribuyir al cambiu n’Uviéu y Asturies, yá que reflexa perfeutamente la sociedá uvieína con una combinación de trabayadores, xente xoven y esperimentada y con  representación del movimientu social. “Tamos en condiciones d’obtener un bon sofitu’l 27 de mayu y contribuyir al proyeutu coleutivu de la izquierda tresformadora”, puntualizó’l Coordinador Xeneral d’IX d’Asturies y candidatu d’IX-BA-Verdes a la presidencia del Principáu.