Menu

“Izquierda Xunida de Morcín sal a ganar”. Con esta frase entamaba ayeri Joaquín Uría, candidatu d’IX de Morcín la rueda de prensa na que presentó publicamente la so candidatura al ayuntamientu, onde agora IX cuenta con tres conceyales. Uría aseguró qu’Izquierda Xunida de Morcín alcuéntrase en condiciones infinitamente meyores qu’hai cuatro años, con un llabor consolidáu de los tres conceyales actuales y un trabayu de xestión realizada con tresparencia y llimpieza.

“Izquierda Xunida de Morcín sal a ganar”. Con esta frase entamaba ayeri Joaquín Uría, candidatu d’IX de Morcín la rueda de prensa na que presentó publicamente la so candidatura al ayuntamientu, onde agora IX cuenta con tres conceyales. Uría aseguró qu’Izquierda Xunida de Morcín alcuéntrase en condiciones infinitamente meyores qu’hai cuatro años, con un llabor consolidáu de los tres conceyales actuales y un trabayu de xestión realizada con tresparencia y llimpieza.

Joaquín Uría manifestó la necesidá de que se contemple’l so conceyu nos planes del aria central pa siguir siendo parte de “la ciudá astur”. Nesti sen aseguró qu’IX de Morcín nun va aceptar un desendolcu del aria central que suponga un mayor declive d’esta zona, yá afectada pola reconversión minera. IX, pol contrariu, va apostar por un crecimientu del empléu en Morcín, como’l que va suponer la puesta en marcha del polígonu d’Argame, el final de les obres del Muséu de los Quesos y l’equipamientu social que se ta faciendo en La Foz, que va representar 30 puestos de trabayu. Joaquín Uría tamién apostó pol aporvechamientu de la zona de La Vega onmde más de 1,5 millones de metros cuadraos tán ensin usu. IX de Morcín aboga por un usu que combine l’actividá empresarial y les viviendes, con un absolutu respetu al mediuambiente.

Jesús Iglesias, Coordinador Xeneral d’IX d’Asturies, eloxó la valía política y l’amplia trayectoria sindical y política del candidatu de Morcín, enantes d’añadir qu’Uría representa la propuesta pa ganar l’alcaldía por parte de la izquierda tresformadora. Iglesias recordó que nel debate actual, centráu nel aria central, ye “impensable” una concepción parcial. Pa IX tien de ser un proyectu global, conxuntu del aria central como pieza de cohesión y tien de comprender a les Cuenques Mineres y llegar hasta la costa, hasta Xixón. “Cualesquier diseñu que nun tenga en cuenta estes premises supón una visión coxa, qu’incorpora elementos negativos”, dixo Jesús Iglesias.    

Iglesias dixo que Morcín vive un momentu d’oportunidaes p’aprovechar les oportunidaes qu’ufre la so cercanía a Uviéu, onde la derecha ta “espulsando” a los habitantes de la ciudá, y ufrir viviendes a meyor preciu y nun entornu natural que, amás, tien nueves oportunidaes de xenerar actividá económica..