Menu

Concha Masa denuncia les incongruencies d'un sistema que puede conceder tresnporte y comedor gratuitu a un escolar y non al so hermanu si ta matriculáu nel mesmu centru.

Izquierda Xunida pidió güei nel Plenu de la Xunta Xeneral del Principáu midíes que dexen ameyorar la conciliación de la vida familiar y llaboral col procesu educativu. La diputada Concha Masa, nuna interpelación al Conseyeru d'Ecuación, Genaro Alonso, punxo de manifiestu les disfunciones que se tán produciendo con un impactu negativu na organización cotidiana de les families. Dende'l tresporte al comedor, que pueden ser gratuitos pa unu escolar pero non pal so hermanu si se matricula nel mesmu centru, y eso a pesar de que les families traten de que tolos sos miembros estudien nos mesmos centros.

“Creemos que la organización educativa xuega un papel fundamental na conciliación de la vida llaboral y familiar y polo tanto fiximos esta interpelación na qu'aportunemos en particular nes temes de tresporte, el comedor escolar y na adaptación de los centros escolares p'actividaes fora del horariu y periodu lectivu”.

Na so interpelación, Masa preguntóse cómo puede entendese que dos hermanos tengan que dir a distintos colexos pa tener dambos derechu a tresporte y comedor gratuitu o por qué families que se treslladen de casa, siempres nel mesmu conceyu, y tienen que camudar a los sos fíos de colexu o empezar a pagar el tresporte.

Tocantes a los comedores escolares, la parllamentaria reprochó que la prestación d'esti serviciu nun cubra la totalidá del periodu lectivu y eso que ye un elementu fundamental na conciliación familiar y llaboral y más nuna situación de crisis como l'actual, nel que garantizaría una correcta alimentación de menores que les sos families atópense en situación económica precaria.

Masa fixo especial énfasis na necesidá de reforzar la educación y les actividaes extraescolares, aprovechando les instalaciones de los colexos, nos núcleos rurales una y bones, dixo ye nestes zones onde la población escolar tien menos recursos al so algame pa invertir el so tiempu llibre.