Menu

Tamos convencíos de que más allá del suministru d'agua y del enerxéticu hai otros posibles usos pa los banzaos

Ovidio Zapico, diputáu d'IX na Xunta Xeneral, realiza un llamamientu a los candidatos a la secretaría xeneral de la FSA que tengan altor de mires sobro la navegabilidá de los banzaos del Altu Nalón. El diputáu d'IX, siendo respetuosu con procesu de primaries de la FSA, pero pidió a los dos candidatos que tengan altor de mires cola situación de la navegabilidá de los banzaos del Altu Nalón, “que nun se cierren al estudiu que dexe saber si puede faese un usu sostenible de los banzaos y nun s'enroquen nes postures de la senadora María Luisa Carcedo. “Ye volver repitir vieyes práctiques polítiques que nun apurrieron nengún beneficiu al Altu Nalón mientres estos años y ye necesario encetar, d'una vegada por toes, esi estudiu que llinde les posibilidaes de los recursos de los banzaos”, declaró en Llaviana nuna rueda de prensa sobro les tolves. Nós, dixo al respective de IX, tamos convencíos de que más allá del suministru d'agua y del enerxéticu hai otros posibles usos pa los banzaos por que, dexaren igual que'l patrimoniu industrial, dar un impulsu al empléu nuna contorna precisada de trabayu que faiga posible asitiar población.