Menu

El voceru d'IX na Xunta Xeneral va reforzar la información y la cohesión cola dirección d'IX d'Asturies pa evitar tracamundios ente'l papel de voceru n'Asturies y el de dirixente estatal de IAbierta

Tres la xunta caltenida esta mañana por Ramón Argüelles, coordinador d'IX, Alejandro Suárez y Gaspar Llamazares, voceru parlamentariu d'IX na Xunta Xeneral, el voceru d'IX asegura que nestes primeres conversaciones púnxose de manifiestu l'enfotu mutuu y la voluntá de diálogu pa sentar unes bases firmes d'alcuerdu pa superar tracamundios pola creación d'Actúa, “sobre la base de confirmar que ye puramente instrumental”, y tamién de “reafitar l'enfotu y el compromisu col proyectu d'IX y cola estratexa d'IX Asturies basada na collaboración con Podemos pa faer xirar al gobiernu de Javier Fernandez escontra la izquierda”.

Gaspar Llamazares, voceru parlamentariu d'IX na Xunta Xeneral, tamién considera que se produció un alcuerdu col compromisu con IX ensin fecha de caducidá, según pa reforzar la información y la cohesión pa evitar tracamundios ente'l papel de voceru n'Asturies col de dirixente estatal de IAbierta.

A xuiciu de Llamazares la xunta col coordinador d'IX d'Asturies foi una xunta bien cordial, atenta y preséu pa superar tracamundios y p'avanzar de manera sustancial nel diálogu y nel alcuerdu. Llamazares considera unu d'esos tracamundios al respective de la inscripción d'Actúa como partíu qu'ésti nun tien vocación electoral sinón instrumental. Tamién puntualiza que la conversación con Pedro Sánchez produciose nel mes de xunu y falose la tema d'Actúa, pero inda nun taba inscrita y difícilmente podría ser una conversación pa informa-y de la inscripción, sinón una conversación más, un café, ente dos dirixentes políticos. En relación al diálogu y l'enfotu mutuu la meyora ye claro pa estremar el papel n'Asturies y el de dirixente d'Izquierda Abierta nel planu estatal, sostien Llamazares.